ارریہ: اچانک بارش سے عوام کو مشکلات

اچانک بارش سے ارریہ میں جگہ جگہ پانی اور غلاظت کے انبار لگے ہوئے ہیں۔

ریاست بہار کے ارریہ ضلع میں اچانک بارش سے موسم میں تبدیلی آئی اور عوام نے راحت کی سانس لی۔

موسم گرما میں آئی تبدیلی سے درجہ حرارت میں بھی کمی آئی ہے۔ تاہم بارش سے بچوں کو سکول جانے میں پریشانیوں کا سامنا کرنا پڑ ریا ہے۔

وہیں یہ بارش مکئی اور دیگر ہری سبزیوں کی کاشتکاری کے لیے رحمت ثابت ہوئی۔ علاوہ ازیں دیگر فصلوں کو بھی اس بارش سے فائدہ ملے گا۔

اس بارش سے نگر نگم کی قلعی بھی کھلتی نظر آ رہی ہے، جگہ جگہ پانی اور غلاظت کے انبار لگے ہوئے ہیں۔ سب سے برا حال سبزی منڈی کا ہے جہاں غلاظت سڑکوں پر بہہ رہی ہے۔