آتشزدگی سے لاکھوں روپے کا سامان تباہ

ریاست بہار کے ضلع سپول میں راگھوپور تھانہ علاقہ کے راگھوپور بازار میں بجرنگ بلی چوک کے نزدیک آج ایک گودام میں آگ لگنے سے لگ بھگ 60 لاکھ روپے کا سامان جل کر خاک ہوگیا۔

پولیس نے بتایا ہے کہ سہرسہ کی ایک پرائیوٹ کمپنی کے مالک ہری نارائن چودھری کے گودام میں آج دو پہر اچانک آگ لگ گئی ۔
آگ کے شعلے اتنے تیز تھے کہ پورا گودام اور اس میں 60 لاکھ روپے کا سامان جل کر خاک ہو گیا ۔ موقع پر فائربریگیڈ کی چھ گاڑیاں پہنچ کر آگ بجھانے کی کوشش کر رہی ہیں لیکن ابھی تک آگ پر قابو نہیں پایاجا سکا ہے ۔
آگ لگنے کی وجوہات کا پتہ نہیں چل پایا ہے ۔ اس واقعہ میں کسی کے زخمی ہونے کی اطلاع نہیں ہے ۔