پولیس کی مستعدی سے 226 لیٹر غیر قانوی شراب ضبط

بہار میں شراب بندی اور ضلع انتظامیہ کے لاکھ کوششوں کے باوجود ارریہ ضلع میں شراب اسمگلنگ کا کاروبار رکنے کا نام نہیں لے رہا ہے۔ وہیں پولیس کی مستعدی سے 226 لیٹر غیر قانونی شراب ضبط کی گئی ہے۔

ریاست بہار کے ضلع ارریہ میں آئے دن شراب کی گاڑیاں ایک جگہ سے دوسری جگہ لے جا کر فروخت کرنے والے پکڑے جا رہے ہیں۔ اس کے بعد بھی شراب گروہ پر کوئی لگام نہیں لگ رہا ہے۔

اسی ضمن میں دیر شب محکمہ ایکسائز کی ٹیم ارریہ اور بہادر گنج شاہراہ پر جہان پور ٹول پلازہ کے پاس گاڑی چیکنگ مہم میں بغیر نمبر کی ایک ٹیاگو کار کو شبہ کے بنیاد پر روکا، جانچ کے دوران اس کار میں سے الگ الگ برانڈ کے 226 لیٹر غیر قانونی شراب ملے۔

پولیس نے موقع پر سے ہی گاڑی پر سوار ڈرائیور و ایک شراب تاجر کو گرفتار کیا۔

وہیں پکڑے گئے ڈرائیور کا نام پرمود کمار چودھری ہے اور وہ جوکی ہاٹ کا رہنے والا ہے، جبکہ شراب تاجر اجے لال پورنیہ ضلع کے روٹا تھانہ حلقہ کے سربیٹا کا باشندہ ہے۔

اس سلسلے میں ایکسائز آفیسر امرتیش کمار نے بتایا کہ ارریہ بہادر گنج ٹول پلازہ کے پاس انسپکٹر سراج عالم اور سب انسپکٹر پرشانت کمار کی قیادت میں گاڑی کی چیکنگ مہم چلائی گئی تھی، افسران کی مستعدی سے شراب کے اس بڑے کھیپ کو پکڑنے میں کامیابی ملی ہے۔

حالانکہ گاڑی بغیر نمبر پلیٹ کی وجہ سے اصل گاڑی مالک کا پتہ نہیں چل سکا ہے، مگر تحقیقات کی جا رہی ہے۔