ماسٹر ڈگری امتحان میں فیل کرنے کی مخالفت میں پی ایم سی ایچ کے جونیئر ڈاکٹر ہڑتال پر چلے گئے ہیں۔ ان کا الزا م ہےکہ اسپتال میں مریضوں کے مفاد کا معاملہ اٹھانے کی وجہ سے انہیں سزا دی گئی ہے۔
ہڑتال کی وجہ سے پی ایم سی ایچ کے او پی ڈی کی خدمات پوری طرح سے ٹھپ ہیں۔ مریضوں کو علاج کیلئے پرائیوٹ اسپتالوں میں جانا پڑرہاہے۔
وہیں پی ایم سی ایچ کے اساتذہ کا کہناہےکہ جو طلبا دل جمعی سے مطالعہ کریںگے وہ پاس ہوں گے اور جو پڑھائی پر دھیان نہیں دیں گے تو وہ ضرور فیل ہوں گے۔
دریں اثناءپی ایم سی ایچ کے سپرنٹنڈنٹ ڈاکٹر راجیو رنجن پرساد نے بتایاکہ او پی ڈی میں روزانہ لگ بھگ 3000 مریض آتے ہیں لیکن ہڑتال کی وجہ سے یہاں تعداد گھٹ کر 1280 ہوگئی ہے۔
انہوں نے بتایاکہ ہڑتال کی وجہ سے ہوئی پیدا صورتحال کو سنبھالنے کیلئے بڑی تعداد میں سنیئر ڈاکٹروں کو ڈیوٹی پر لگائے جانے کے ساتھ ہی ان کے کام گھنٹے بھی بڑھائے گئے ہیں۔
پرساد نے بتایاکہ مریضوں کے علاج کے لئے غیر میڈیکل شعبہ کے لوگوں کو ڈیوٹی پر لگایا گیا ہے۔ انہوں نے بتایاکہ مریضوں کو کسی بھی طرح کی پریشانی سے بچانے کے لئے اسپتال انتظامیہ سبھی ضروری اقدام اٹھا رہا ہے ۔