Opposition Meeting پٹنہ میں اپوزیشن اتحاد کا اجلاس جاری

پٹنہ میں اپوزیشن اتحاد کے اجلاس کے لیے جمعہ کا دن اہم ہے۔ پٹنہ میں آج اپوزیشن پارٹیاں مل کر سی ایم پی یعنی کامن مینیمم پروگرام پر اتفاق رائے پیدا کرنے سمیت مستقبل کی سیاسی حالت اور سمت کا فیصلہ کریں گی۔ راہل گاندھی، شرد پوار، محبوبہ مفتی، ممتا، کیجریوال، بھگونت مان اور اسٹالن جیسے بڑے اپوزیشن رہنما پٹنہ پہنچ چکے ہیں۔ Patna opposition meeting

پٹنہ:ریاست بہار کے دارالحکومت پٹنہ میں آج اپوزیشن جماعتوں کا اہم اجلاس جاری ہوگیا ہے۔ جس میں مرکزی حکومت کو اقتدار سے بے دخل کرنے کے لیے کانگریس، ترنمول کانگریس، آر جے ڈی، جے ڈی یو سمیت 17-18 پارٹیاں آج ایک میز پر بیٹھیں گی اور حکمت عملی پر غور و خوض کریں گی۔ مغربی بنگال کی وزیراعلیٰ ممتا بنرجی، تمل ناڈو کے وزیراعلیٰ اسٹالن، پنجاب کے وزیراعلیٰ بھگونت مان، دہلی کے وزیراعلیٰ اروند کیجریوال سمیت کئی رہنما جمعرات کو ہی پٹنہ پہنچے تھے۔ آج راہل گاندھی، کھرگے، شرد پوار، ادھو ٹھاکرے جیسے بزرگ رہنما پہنچ جائیں گے۔ اس ملاقات کے بعد تصویر کافی حد تک واضح ہو جائے گی کہ لوک سبھا انتخابات 2024 کے لیے کیا سیاسی تحریک چلنے والی ہے۔

نیشنل کانفرنس رہنما عمر عبداللہ آج صبح پٹنہ پہنچ گئے ہیں۔ پٹنہ ہوائی اڈے سے براہ راست اسٹیٹ گیسٹ ہاؤس کے لیے روانہ ہوئے۔ پٹنہ ہوائی اڈے پر پہلے سے موجود وزراء زما خان اور رامانند یادو نے عمر عبداللہ کا استقبال کیا۔ یہ میٹنگ پٹنہ میں 1 این مارگ پر بہار کے وزیر اعلی کی سرکاری رہائش گاہ کے اندر نیک سمواد کے کمرے میں ہوگی۔ شیڈول کے مطابق اجلاس صبح گیارہ بجے شروع ہوگا۔ یہ اجلاس شام 4 بجے ختم ہوگا۔ موصولہ اطلاعات کے مطابق کارروائی کا آغاز وزیر اعلیٰ نتیش کمار کی افتتاحی تقریر سے ہوگا، جس کے بعد کانگریس صدر ملکارجن کھرگے خطاب کریں گے اور اس کے بعد باقی قائدین خطاب کریں گے۔ آخر میں راہل گاندھی اپوزیشن رہنماوں سے خطاب کریں گے۔

کانگریس رہنما راہل گاندھی، ملکارجن کھرگے، این سی پی کے سربراہ شرد پوار، اتر پردیش کے سابق وزیر اعلی اکھلیش یادو، شیو سینا یو بی ٹی کے سربراہ ادھو ٹھاکرے، جھارکھنڈ کے وزیر اعلیٰ ہیمنت سورین اور دیگر کئی رہنما جمعہ کی صبح اپوزیشن اتحاد کی میٹنگ میں پہنچیں گے۔ اپوزیشن اتحاد کے اجلاس میں سیٹ شیئرنگ اور وزیراعظم کے چہرے پر کوئی بات نہیں ہوگی۔ نتیش کے قریبی وزیر وجے چودھری نے یہ جانکاری دی۔ ان کا کہنا ہے کہ یہ مہم شروع ہو چکی ہے، اس لیے یہ کارگر ثابت ہو گی۔ یہ میٹنگ صرف اور صرف اس لیے بلائی گئی ہے کہ 2024 کے انتخابات ایک ساتھ لڑنے اور نریندر مودی حکومت کو گرانے کے لیے تمام پارٹیوں کے درمیان کس طرح اتفاق رائے پیدا کیا جائے۔ دوسری میٹنگ میں سیٹ شیئرنگ اور پی ایم کے چہرے پر بات ہوگی۔

واضح رہے کہ تقریبا 18 پارٹیوں کے علاوہ اور بھی بڑی پارٹیاں ہیں جن کی دوسری ریاستوں میں اپنی حیثیت ہے۔ وہ پارٹیاں جیسے یوپی میں مایاوتی، آندھرا پردیش میں وائی ایس آر کانگریس، تیلگو دیشم پارٹی، تلنگانہ میں کے سی آر کی بی آر ایس، اسد الدین اویسی کی اے آئی ایم آئی ایم، کرناٹک میں ایچ ڈی کمارسوامی، نوین پٹنائک کی بی جے ڈی اور پنجاب میں شرومنی اکالی دل نے فاصلہ رکھا ہوا ہے۔ ان جماعتوں کے ساتھ نہ آنے سے اپوزیشن کا اتحاد متاثر ہو رہا ہے۔