گیا:بہار میں ان دنوں شراب بندی اور زہریلی شراب سے ہونے والی موتوں پر سیاسی گھمسان ہے۔ اپوزیشن جہاں حکومت پر شراب سے ہوئی موت پر برہم ہے اور سڑک سے لیکر اسمبلی تک سراپا احتجاج ہے وہیں اب شراب سے ہوئی موتوں پر ناراضگی کا اظہار 'مہاگٹھ بندھن' میں شامل پارٹیوں میں ایک بھاکپامالے نے بھی کیا ہے ۔Parties In Mahagathbandhan Protest Against Bihar Government
بہار میں بھاکپا مالے نے یوم احتجاج منایا ہے۔پارٹی لیڈر طارق انور نے بتایا کہ ضلع گیا میں بھی احتجاجی مارچ نکالا گیا جس میں درجنوں کارکنان ورہنماوں کی شرکت ہوئی۔ اس دوران جلوس میں شامل افراد نے وزیر اعلیٰ نتیش کمار کے اس بیان کی مخالفت کرتے ہوئے کہا کہ 'زہریلی شراب پی کرمرنےوالوں کو معاوضہ نہیں ملے گا۔
اس پر بھاکپا مالے کے رہنماؤں نے مطالبہ کرتے ہوئے کہاہے کہ شراب مافیاوں کا سیاسی رہنماؤں اور افسروں کے ساتھ ساز باز ہے۔ زہریلی شراب پی کر اگر کوئی مرا ہے تو اسکی ذمہ داری حکومت کی ہے۔ حکومت کو معاوضہ دینا لازمی ہے۔ مرنے والوں کے اہل خانہ کا اس میں کیا قصور ہے۔