'پپو یادو کی گرفتاری سے عوام میں ناراضگی بڑھے گی'

سابق وزیر اعلی جیتن رام مانجھی نے پپو یادو کی گرفتاری پر ناراضگی ظاہر کرتے ہوئے سرکار کو تنبیہ کی ہے کہ اس سے لوگوں کے اندر سرکار کی تئیں ناراضگی بڑھے گی۔

سابق رکن پارلیمان اور جن ادھیکار پارٹی کے قومی صدر پپو یادو کی گرفتار پر نیتش سرکار میں شامل ہم پارٹی کے صدر اور سابق وزیر اعلی جیتن رام مانجھی نے ناراضگی ظاہر کرتے ہوئے سرکار کو تنبیہ کی ہے کہ اس سے لوگوں کے اندر سرکار کی تئیں ناراضگی بڑھے گی۔

جیتن رام مانجھی کا ٹوئٹ

جیتن رام مانجھی نے ٹویٹر پر لکھا''کوئی سماجی کارکن اگر دن رات عوام کی خدمت کرے اور اس کے عوض میں اسے گرفتار کیا جائے۔ اس طرح کا واقعہ انسانیت کے لیے خطرناک ہے۔ ایسے معاملوں کی پہلے عدالتی جانچ ہونی چاہیے، نہیں تو عوام کے اندر ناراضگی پیدا ہونا لازمی ہے''

پپو یادو کو کورونا گائیڈ لائن کی خلاف ورزی کے الزام میں صبح ان کی رہائش گاہ سے پٹنہ کے گاندھی میدان تھانہ کی پولیس نے گرفتار کیا گیا ہے۔