جعلی نوٹوں کے ساتھ ایک گرفتار

بہار کے ارریہ ضلع میں کورس کانت تھانہ علاقے کے ہتھا چوک کے نزدیک ایس ایس بی نے پانچ سو روپے کے 199 جعلی نوٹوں کے ساتھ ایک اسمگلر کو گرفتار کرلیا۔

ایس ایس بی کی 56ویں بٹالین کے کمانڈر مکیش تیاگی نے یہاں بتایا کہ خفیہ اطلاع کی بنیاد پر ہتھا چوک کےنزدیک سے ایک شخص کو 500 روپے کے 199 جعلی نوٹوں کے ساتھ گرفتار کرلیا گیا۔
گرفتار اسمگلر کی شناخت ضلع میں جوکی ہاٹ تھانہ کے گیرکی باگوسیری کے رہنے والے ڈوما یادو کے طور پر ہوئی ہے۔
تیاگی نے بتایا کہ پوچھ تاچھ کے دوران گرفتار اسمگلر نے بتایا کہ ’پنجاب میں مزدوری کرنے والے میرے جیجا جدویر یادو نے اس سال 15 اگست میں مجھے یہ نوٹ حفاظت کرنے کے لئے دیئے تھے۔
آج مجھے یہ سبھی نوٹ ہتھا چوک کےنزدیک ایک شخص کو دینے کے لئے کہا تھا۔
انہوں نے بتایا کہ گرفتار اسمگلر کو کورساکاتنا تھانہ کے حوالے کردیا گیا ہے۔