بہار: تیسرے مرحلے کے لئے پرچہ نامزدگی کا عمل آج سے شروع

بہار میں اسمبلی انتخابات کے تیسرے مرحلے کے لئے 15 اضلاع میں 78 نشستوں پر پولنگ ہونی ہے۔ امیدوار 20 اکتوبر تک اپنا پرچہ نامزدگی داخل کرسکیں گے۔

پٹنہ: بہار میں اسمبلی انتخابات کے تیسرے مرحلے کے لئے پرچہ نامزدگی کا عمل آج سے شروع ہوگا۔ امیدوار 20 اکتوبر تک اپنا پرچہ نامزدگی داخل کرسکیں گے۔ جبکہ پرچہ نامزدگی واپس لینے کی آخری تاریخ 23 اکتوبر تک ہے۔

اطلاعات کے مطابق تیسرے مرحلے کے لئے 15 اضلاع میں انتخابات ہونے ہیں۔ جس میں سمستی پور ، ویشالی ، سہرسا ، دربھنگہ ، پورنیا ، کٹھیار ، مدھے پورہ ، کشن گنج ، سپول ، ارریا ، مغربی چمپارن ، مشرقی چمپارن ، سیتامڑھی اور مدھوبنی شامل ہیں۔

ان تمام اضلاع میں متعدد اسمبلی کے 78 نشستوں کے لئے پولنگ ہونا ہے۔

وہیں اگر ہم 2015 کے انتخابات کی بات کریں تو ان تمام اضلاع کے 78 نششتوں میں سے 45 نششتوں پر این ڈی اے کا قبضہ ہے جس میں بی جے پی کے پاس 20 سیٹیں اور جے ڈی یو کے پاس 25 نشستیں ہیں۔

لیکن اس بار 2020 میں بہار کی سیاسی سورتحال 2015 سے بلکل مختلف ہے۔ جے ڈی یو اپنے پرانے اتحاد این ڈی اے میں شامل ہوچکا ہے ۔

ایسی صورتحال میں یہ دیکھنا دلچسپ ہوگا کہ این ڈی اے اپنی ساکھ بچانے میں کامیاب ہوگا یا مہاگٹبندھن این ڈی اے کے اس قلعے کو منہدم کرنے میں کامیاب ہوگا۔