طلاق ثلاثہ بل پر جے ڈی یو کے رویہ کی مذمت

قانون ساز کونسل کے سابق کارگزار چیئرمین اور آر جے ڈی کے لیڈر سلیم پرویز انصاری نے نتیش کمار اور جے ڈی یو پر الزام عائد کرتے ہوئے کہا کہ راجیہ سبھا سے جے ڈی یو نے واک آؤٹ کرتے ہوئے تین طلاق بل کی حمایت کی ہے۔

آر جے ڈی کے سینئر رہنما و بہار قانون ساز کو نسل کے سابق کارگذار چیئرمین سلیم پرویز انصاری نے ای ٹی وی بھارت سے بات کرتے ہوئے کہا کہ نتیش کمار نے سونچے سمجھے لائحہ عمل کے تحت جے ڈی یو کے اراکین کو ایوان سے واک آؤٹ کرایا۔

انہوں نے کہا کہ نتیش کمار اگر مسلمانوں کے سچے حمایتی ہوتے تو ان کے اراکین ایوان میں بل کی مخالفت میں ووٹ دیتے تھے۔سلیم پرویز انصاری نے کہا کہ اگر ہماری پارٹی کی تعداد راجیہ سبھا میں زیادہ ہوتی تو ہم اس بل کی مخالفت کرتے تھے۔انہوں نے کہا کہ ایوان سے واک آوٹ کرکے جے ڈی یو نے بی جے پی کی حمایت کی ہے۔