ایمرجنسی کے تعلق سے نتیش کمار کا ردعمل

وزیراعلیٰ نتیش کمار نے راہل گاندھی کے ایمرجنسی پر دئیے گئے بیان پر کہا کہ سب کو معلوم ہے کہ ایمرجنسی لگانا غلط تھا۔ ایمرجنسی کے شکار ہم لوگ ہوئے تھے، ہم لوگ اس وقت نوجوان تھے۔

نتیش کمار نے کہا کہ ملک میں ایمرجنسی کے وقت لوک نائک جئے پرکاش نارائن کی قیادت میں پورے ملک میں تحریک چلی تھی۔ ایمرجنسی کے بعد ہوئے انتخاب میں ملک کے لوگوں نے کانگریس کو شکست دے کر اپنا پیغام دیا تھا کہ ملک کانگریس کے خلاف ہے۔

انہوں نے کہا کہ 'جئے پرکاش کی تحریک سے متاثر ہو کر ملک کی تمام اپوزیشن پارٹیوں نے مِل کر جنتا پارٹی کی تشکیل کی تھی، اس کے بعد مرکز میں جنتا پارٹی کی حکومت قائم ہوئی تھی اور اب راہل گاندھی نے آج جو کچھ بھی کہا ہے وہ ان کے ذاتی خیالات ہیں۔

فلم اسٹار کے گھر پر انکم ٹیکس کے چھاپے کے سلسلے میں وزیراعلٰی نے کہا کہ یہ انکم ٹیکس محکمہ کا معاملہ ہے۔ انکم ٹیکس محکمہ کو ضابطہ اور قانون کے تحت حقوق دئیے گئے ہیں۔