'نقوی کم از کم اپنے عہدے کا ہی لحاظ کرلیں'

کانگریس کے ترجمان رندیپ سرجے والا نے اقلیتی وزیر مختار عباس نقوی کے ہجومی تشدد کے واقعات کو جعلی بتانے والے بیان پر سخت تنقید کرتے ہوئے کہا کہ 'کم از کم وہ اپنے عہدے کا ہی لحاظ کرلیں'۔

واضح رہے کہ مرکزی اقلیتی وزیر مختار عباس نقوی نے ہجومی تشدد کے واقعات کو جعلی اور فرضی قرار دیا تھا۔

سرجے والا نے کہا کہ 'مختار عباس نقوی جس عہدے پر فائز ہیں، انہیں اس کا خیال رکھنا چاہیے، ہجومی تشدد کے تناظر میں وزیر کا یہ کہنا باعث شرم ہے'۔

انہوں نے کہا کہ 'سشان بابو (نتیش کمار) اور بی جے پی کے راج میں چھپرہ کے اندر 3 لوگ ہجومی تشدد کے شکار ہوجاتے ہیں، بارہ بنکی میں ایک دلت کو درد ناک موت دی جاتی ہے، کیا نقوی کو یہ واقعات نظر نہیں آتے'۔