مشہور شاعر منور رانا کی بیٹی فوزیہ رانا کانگریس میں شامل

سماجی کارکن اور مشہور شاعر منور رانا کی بیٹی فوزیہ رانا آج اپنے حامیوں کے ساتھ کانگریس میں شامل ہوگئیں۔

بہار کانگریس کے صدر ڈاکٹر مدن موہن جھا کے سامنے یہاں پارٹی کے ریاستی ہیڈکوارٹر سداکت آشرم میں منعقدہ ایک ملن تقریب میں سماجی کارکن اور مشہور شاعر منور رانا کی بیٹی کی فوزیہ رانا نے اپنے حامیوں کے ساتھ قومی صدر سونیا گاندھی اور راہل گاندھی کی قیادت پراعتماد کا اظہار کرتے ہوئے کانگریس کی رکنیت لی۔

رانا شہریت ترمیم قانون (سی اے اے) اور قومی شہریت رجسٹریشن(این آر سی) پر چلی ملک گیر تحریکات کے دوران لکھنو میں گرفتار ہوئی تھیں۔

اس موقع پر ڈاکٹر جھا نے کہا کہ منور رانا کی بیٹی فوزیہ رانا کے شامل ہونے سے کانگریس کو مزید مضبوطی ملے گی۔

اس موقع پر کانگریس کے بہار کے انچارج اور راجیہ سبھا رکن شکتی سنگھ گوہل کے علاوہ معتدد لیڈر موجود تھے۔