بی جے پی کے نو منتخب رکن پارلیمان اپنے پارلیمانی حلقہ کے دورے پر

دربھنگہ کے نو منتخب رکن پارلیمنٹ گوپال جی ٹھاکر اپنی جیت کے بعد پہلی مرتبہ اپنے پارلیمانی حلقہ دربھنگہ پہنچے جہاں بی جے پی کارکنان نے ان کا پرتپاک خیر مقدم کیا۔

ریاست بہار کے ضلع دربھنگہ پہنچنے پر گوپال جی ٹھاکر نے اپنے حامیوں کا شکریہ اداکیا اور انھوں عوام کا بھی شکریہ ادا کیا۔

ٹھاکر نے افسوس کا اظہار کرتے ہوئے کہا کہ دربھنگہ کے ساتھ ساتھ پورا متھلا نچل ملک میں ترقی کے معاملے میں پسماندہ ہے اور اس کی ترقی کے لیے اٹل سابق وزیراعظم اٹل بہاری باجپئ اور موجودہ وزیراعظم نریندر مودی کی حکومت کے علاوہ کسی نے قدم نہیں اٹھایا۔

انھوں نے مزید کہا کہ 'ہم پوری مستعدی کے ساتھ دربھنگہ کی ترقی کے لیے کام کریں گے اور ہم نے دربھنگہ میں ایمس اسپتال اور ایئر پورٹ کے جلد افتتاح کے لیے پارلیمینٹ میں درخواست کریں گے۔