پٹنہ: ایم ایل سی خالد انور کورونا وائرس سے متاثر

بہار قانون ساز کونسل کے رکن خالد انور کے علاوہ ریاست کے وزیر محنت اور لکھی سرائے سے بی جے پی ایم ایل اے وجئے کمار سنہا کی کورونا رپورٹ مثبت آئی ہے۔

ریاست بہار میں کورونا وائرس سے متاثرین کی تعداد میں مسلسل اضافہ ہو رہا ہے۔

کورونا وائرس سے اب سیاسی اور اہم شخصیات بھی متاثر ہو رہی ہیں۔

برسرِ اقتدار جماعت بی جے پی اور جے ڈی یو کے لیڈر مسلسل اس کی زد میں ہیں۔

ریاستی وزیر محنت اور بی جے پی کے ایم ایل اے وجئے کمار سنہا اور جے ڈی یو کے رکن قانون ساز کونسل خالد انور کورونا مثبت پائے گئے ہیں۔

ان دونوں کا علاج پٹنہ ایمس میں چل رہا ہے۔

وہیں بھاگلپور کی ڈویژنل کمشنر وندنا کینی اور مدھے پورہ کے ڈی ڈی سی بھی کورونا مثبت پائے گئے ہیں۔

وندنا کینی ڈاکٹروں کی نگرانی میں گھر میں ہی قرنطینہ میں ہیں۔