Minority Commission قومی اقلیتی کمیشن کی رکن کا اقلیتیوں کے مسائل سے متعلق جائزہ اجلاس

قومی اقلیتی کمیشن کے رکن رنچن لاما کی صدارت میں اقلیتی طبقے کے نمائندوں اور افسران کے ساتھ میٹنگ ہوئی. اقلیتوں کی ترقی اور بہبود کے لئے چلائی جانے والی اسکیموں کا جائزہ لیا گیا ہے۔ Minority Commission

گیا:ریاست بہار کے ضلع گیا میں قومی اقلیتی کمیشن کی رکن رنچن لاما نے اقلیتی برادری کے نمائندوں اور انتظامیہ کے افسران کے ساتھ میٹنگ کی جس میں مختلف ایشوز پرتبادلہ خیال ہوا ۔اس میٹنگ میں مختلف مذاہب کے نمائندوں نے شرکت کی۔Minority Commission Member Rinchen Lama Meet Minorities In Gaya

انہوں نے اقلیتی طبقے کی تعلیمی و معاشی ترقی اور مختلف اسکیموں پر نہ صرف گفتگو کی بلکہ اقلیتی طبقے اور ان کے مذہبی مقامات، ان کی املاک اور ثقافت و مذہبی رسم و رواج پر ہورہے حملوں کی پرزور مذمت کی۔ مختلف مذاہب کے رہنماوں ان معاملات پر قومی اقلیتی کمیشن کے رکن کی توجہ مبذول کرائی۔رہنماؤں نے بڑے مہذب انداز میں اپنے مطالبات پیش کرتے ہوئے اس بات پر زور دیا کہ اقلیتی کمیشن اگر مسائل کے حل کی بات کہی ہے تو انہیں اپنے وعدے اور ارادے سے اقلیتی برادری کو واقف کرانے کی ضرورت ہے۔

ضلع اوقاف کمیٹی کے سابق صدر اسد محسن نے وقف کی املاک پر قبضوں پر انتظامیہ اور حکومت کی کاروائی اور نیت پر سوال اٹھائے۔ ساتھ ہی کمیشن کی رکن کو وقف املاک کے تعلق سے پرزنٹیشن پیش کیا۔ مطالبہ کیا کہ وقف املاک کو خردبرد ہونے سے بچانے میں نہ صرف مداخلت کریں بلکہ حکومتوں تک باتیں پہچانے میں مدد کریں۔

عیسائی برداری کی نمائندگی کرنے والے رہنما نے صاف لفظوں میں کہا کہ ملک کی دوسری ریاستوں کی طرح بہار میں بھی مذہبی مقامات اور اقلیتی برادری کو نشانہ بنانے کا عمل جاری ہے۔ طریقہ کار الگ ہوں تاہم کچھ لوگوں کے نشانے پر اقلیتی برادری ہی ہوتی ہے۔ کمیشن کی رکن رنچن لامہ نے ان سے ایف آئی آر کے تعلق سے جانکاری مانگی تو بتایا گیا کہ پولیس اس طرح کے معاملات میں مقدمہ درج کرنے میں گریزاں ہے۔

قومی اقلیتی کمیشن کی رکن رنچن لاما کی صدارت میں منعقدہ میٹنگ میں ایڈیشنل مجسٹریٹ منوج کمار ، ضلع اقلیتی فلاح افسر جتیندر کمار ، ڈسٹرکٹ ایجوکیشن افسر سمیت کئی محکموں کےافسران موجود تھے۔ رنچن لاما نے اسکیموں کا جائزہ لیا۔ اس دوران اقلیتی برادریوں کے نمائندوں نے کئی اسکیموں کے تعلق سے جانکاری نہیں ہونے کی بات کہی۔Minority Commission Member Rinchen Lama Meet Minorities In Gaya