پٹنہ: بہار کے وزیر اعلیٰ نتیش کمار سابق وزیر اعظم اٹل بہاری واجپائی کو اپنا سیاسی گرو مانتے ہیں۔ نتیش کمار نے جب اٹل جی کی برسی کے موقع پر دہلی جا کر انہیں خراج عقیدت پیش کیا تو عظیم اتحاد کے حلقے برہم ہوگئے۔ جنگلات اور ماحولیات کے وزیر تیج پرتاپ یادو نے اپنے اپنے انداز میں ناراضگی کا اظہار کیا ہے۔ تیج پرتاپ یادو نے اٹل پارک کا نام بدل دیا ہے۔ اس پارک کا نام اٹل بہاری واجپائی کی یاد میں رکھا گیا تھا۔
یہ بھی پڑھیں:
اٹل پارک کا بدلا نام: پٹنہ کے کنکر باغ میں واقع اس پارک کا نام پہلے کوکونٹ پارک تھا۔ 2018 میں، اس کا نام اٹل بہاری واجپائی کے نام پر بدل کر اٹل پارک رکھا گیا۔ لیکن اب تیج پرتاپ یادو نے ایک بار پھر پارک کو اس کا پرانا نام دے دیا ہے۔ اس پارک میں نتیش کمار ہر سال لیڈر اٹل بہاری واجپائی کو ان کی برسی اور یوم پیدائش کے موقع پر خراج عقیدت پیش کرتے ہیں۔
نتیش پر بی جے پی کا حملہ: آپ کو بتاتے چلیں کہ پاٹلی پترا کے اٹل پارک میں اٹل بہاری واجپئی کا ایک لائف سائز مجسمہ نصب کیا گیا ہے اور لوگ اس مجسمے پر پھول چڑھانے جاتے ہیں۔ بی جے پی نے نتیش حکومت پر چوطرفہ حملہ کیا ہے۔ مرکزی وزیر نتیا نند رائے نے کہا کہ اٹل پارک کا نام تبدیل کرنا انتہائی قابل اعتراض ہے۔ بھارت رتن اٹل بہاری واجپائی کا نام ہٹانا جرم کے مترادف ہے۔ دوسری جانب بہار بی جے پی کے لیڈر ومرکزی وزیر نتیانند رائے نے کہا کہ نتیش کمار کا راز فاش ہوگیا ہے۔ "نتیش کمار کو اپنے وزیر کو روکنا چاہیے۔ اگر وہ باز نہیں آئے تو کل آپ کا نام بھی بدل دیا جائے گا۔ آپ بہت سے نام پہلے بھی بدل چکے ہیں۔ یہ قدم سیاسی بددیانتی کی وجہ سے اٹھایا گیا ہے۔"
بی جے پی کا الزام
سمرت چودھری، ریاستی صدر، بہار بی جے پی نے کہا کہ "نتیش کمار کا دوہرا کردار بے نقاب ہو گیا ہے۔ ایک طرف وہ اٹل جی کو خراج عقیدت پیش کرنے دہلی جاتے ہیں تو دوسری طرف ان کے ہی کابینہ کے وزراء اٹل جی کے نام سے منسوب پارک کا نام بدل دیتے ہیں۔ نتیش کی اٹل محبت ایک وہم ہے۔ نتیش کے دور میں اٹل جی کا نام بھی بدلا جا رہا ہے۔ یہ اٹل جی کے لیے ان کا احترام ہے، وہ بولتے کچھ اور کرتے کچھ ہیں۔"
