ماہ نور اور شب نور کو مٹھائی اور مبارک باد دینے کے بعد میڈیا سے گفتگو کے دوران مجاہد عالم نے کہا کہ ان بچیوں کی کامیابی سے نہ صرف کوچادھامن بلکہ پورے ضلع میں خوشی کا ماحول ہے، میں یقین دہانی کراتا ہوں کہ اگر یہ بچے آگے بھی پڑھائی جاری رکھتے ہیں تو ہماری جانب سے انہیں ہر ممکن مدد دی جائے گی۔
ماسٹر مجاہد عالم کی جانب سے صوبائی سطح پر دوسرا مقام حاصل کرنے والی ماہ نور کو ممکنہ مدد کی یقین دہانی
ریاست بہار میں انٹرمیڈیٹ کے امتحان میں صوبائی سطح پر دوسرا مقام حاصل کرنے والی ماہ نور اور ضلع میں اول مقام حاصل کرنے والی اور ان کی چھوٹی بہن شب نور کو کوچادھامن حلقہ کے رکن اسمبلی ماسٹر مجاہد عالم نے مبارکباد کے ساتھ آگے تعلیم جاری رکھنے کے لئے ہر طرح کی مدد کی یقین دہانی کرائی ہے۔
ماسٹر مجاہد عالم
کشن پبلک اسکول کے ڈائریکٹر محمد انصار عالم نے کہا کہ بیٹی بچاو بیٹی پڑھاو نعرہ آج ماہ نور و شب نور نے کوچادھامن ہی نہیں بلکہ کشن گنج اور پورے بہار میں اپنا پیغام دے دیا ہے۔