کیمور: زمینی تنازعہ میں سوتیلے بھائی کا قتل

بتایا جاتا ہے کہ ضلع بکسر کے گاؤں چھتونا کے رہنے والے اروند کمار سنگھ کے 27 سالہ بیٹے چندر ہاس کمار کو اتوار کی رات اس وقت چاقو سے حملہ کرکے زخمی کردیا گیا جب وہ اپنے سوتیلے بھائی کے ساتھ موٹر سائیکل پر سوار ہوکر کڈھنی تھانہ کے مکھراٶں پڑیاری جارہا تھا۔ بتایا جارہا ہے کہ پیچھے بیٹھے سوتیلے بھائی نے ہی چاقو سے جان لیوا حملہ کردیا۔

ریاست بہار کے کیمور میں زمینی تنازعہ و جائیداد کے بٹوارے کو لیکر سوتیلے بھائی نے اپنے ہی بڑے بھائی پر چاقو سے حملہ کرکے بری طرح زخمی کردیا۔ اس واردات کے بعد علاج کے لئے بنارس لے جاتے وقت زخمی بھائی کی راستے میں ہی موت ہوگئی۔ جانکاری کے مطابق یہ حادثہ ضلع کے کڈھنی تھانہ علاقہ کے مکھراٶں پڑیاری شاہراہ کا ہے۔

بتایا جاتا ہے کہ ضلع بکسر کے گاؤں چھتونا کے رہنے والے اروند کمار سنگھ کا 27 سالہ بیٹا چندر ہاس کمار کو اتوار کی رات اس وقت چاقو سے حملہ کرکے زخمی کردیا گیا جب وہ اپنے سوتیلے بھائی کے ساتھ موٹر سائیکل پر سوار ہوکر کڈھنی تھانہ کے مکھراٶں پڑیاری جارہا تھا۔ پیچھے بیٹھے سوتیلے بھائی نے چاقو سے جان لیوا حملہ کردیا۔

بتایا جاتا ہے کہ مقتول کی کیمور ضلع کے تیارا جلارہ میں موٹر سائیکل کا گیراج ہے۔ حادثہ کے بعد سوتیلا بھائی موٹر سائیکل چھوڑ کر فرار ہوگیا۔

وہیں مقامی لوگوں نے اس کی اطلاع کڈھنی پولیس کو دی۔ موقع پر پہنچی پولس نے زخمی کو علاج کے لئے بنارس بھیج دیا، جہاں اس کی راستے میں ہی موت ہوگئی۔

بتایا جاتا ہے کہ والد اروند سنگھ نے دو شادی کی ہے، پہلی بیوی کا ایک لڑکا اور ایک لڑکی ہے جب کہ دوسری بیوی سے بھی ایک لڑکا ہے۔ زمین جاٸیداد کو لیکر دونوں بیٹوں کے درمیان تنازعہ چلا آرہا تھا۔ اسی دوران سوتیلے بھائی نے اپنے ہی بڑے بھائی کو چاقو سے حملہ کر ہلاک کردیا۔

وہیں اس معاملہ پر اسٹیشن صدر نے بتایا کہ لاش کا پنچنامہ کرنے کے بعد اسے پوسٹ مارٹم کے لیے بھیج دیا گیا ہے اور اس کے سوتیلے بھائی کی تلاش جاری ہے۔