چراغ پاسوان کو بدنام کرنے کے لیے وائرل ویڈیو کا سہارا

بہار اسمبلی انتخابات کے پہلے مرحلے کی ووٹنگ سے قبل ایل جے پی کے صدر چراغ پاسوان کا ایک ویڈیو وائرل ہوا ہے۔

اس ویڈیو کے وائرل ہونے کے بعد جے ڈی یو کی جانب سے ایل جے پی کی شدید نکتہ چینی کی جا رہی ہے۔

اس ویڈیو میں چراغ پاسوان اپنے مرحوم والد رام ولاس پاسوان کی تصویر کے قریب بہار اسمبلی انتخابات کے لئے ویڈیو کی شوٹنگ کرتے دکھائی دے رہے ہیں۔

جے ڈی یو کا کہنا ہے کہ چیراغ اپنے والد کی موت پر ہمدردی کا ووٹ حاصل کرنا چاہتے ہیں ، تاہم اس ویڈیو سے اندازہ لگایا جاسکتا ہے کہ وہ اپنے والد کی موت سے کتنے غم گین ہیں۔

ایل جے پی (لوک جن شکتی پارٹی) نے کہا ہے کہ 'بہار فرسٹ بہاری فرسٹ' کے پارٹی منشور کو شروع کرنے کے لئے چراغ پاسوان نے اس ویڈیو کی شوٹنگ کی تھی۔

ایل جے پی کی جانب سے یہ بھی کہا گیا ہے کہ وزیراعلیٰ نتیش کمار اس پر بھی سیاست کرنا چاہتے ہیں۔ نتیش کمار کو یقین ہے کہ ان کی شکست لازمی ہے۔