پاسوان عام انتخابات میں حصہ نہیں لیں گے

لوک جن شکتی پارٹی نے باضابطہ طور پر اعلان کر دیا کہ پارٹی کے سربراہ اور مرکزی وزیر رام ولاس پاسوان اس بار لوک سبھا الیکشن نہیں لڑیں گے۔

ایل جے پی پارلیمانی بورڈ کے چیئرمین چراغ پاسوان نے پیر کے روز یہاں پریس کانفرنس میں بتایا کہ پاسوان اس بار کسی بھی لوک سبھا حلقہ سے الیکشن نہیں لڑیں گے اور وہ راجیہ سبھا کے رکن بنیں گے۔

پاسوان موجودہ لوک سبھا میں بہار کے حاجی پور حلقہ کی نمائندگی کر رہے ہیں۔ 17ویں لوک سبھا کے انتخابات میں ایل جے پی پھر این ڈی اے کے ساتھ ہے اور اس کو نشستوں کے بٹوارے کے تحت بہار میں چھ سیٹیں ملی ہیں۔