بہار کے 12 اضلاع میں بارش کے ساتھ آسمانی بجلی گرنے کی پیش گوئی

محکمۂ موسمیات کے مطابق اگلے کچھ گھنٹوں میں ریاست کے بارہ اضلاع میں بارش کے ساتھ آسمانی بجلی گرنے کی پیش گوئی کی گئی ہے۔

محکمۂ موسمیات نے بہار کے 12 اضلاع کے لئے ریڈ الرٹ جاری کیا ہے۔ محکمۂ موسمیات کے مطابق ریاست کے مغربی چمپارن، سیوان، سارن، مشرقی چمپارن، گوپال گنج، سیتامڑھی، مدھوبنی، مظفرپور، دربھنگہ، ویشالی، شیوہر اور سمستی پور کے لئے ریڈ الرٹ جاری کیا ہے۔

پیش گوئی کے مطابق ان اضلاع میں بارش کے ساتھ آسمانی بجلی گرنے کا اندیشہ ہے. جب کہ کچھ اضلاع میں ہلکی بارش ہونے کی امید ہے۔

بہار میں ان دنوں مانسون اپنے شباب پر ہے، جس سے روز بارش کے دوران آسمانی بجلی کی زد میں آنے سے کئی افراد کی موت ہورہی ہے۔ گزشتہ 24 گھنٹوں کے دوران مشرقی علاقوں میں ہلکی بارش ہوئی ہے۔