ریاست بہار کے ضلع کیمور کے گاؤں کھریندا کے رہنے والے سابق رکن اسمبلی آنجہانی وجئے شنکر پانڈے کا گذشتہ سال انتقال ہو گیا تھا، جس کے بعد ان کی پہلی برسی منائی گئی۔
برسی کے موقع پر گاؤں کے لوگوں اور سیاسی رہنماؤں نے شرکت کی اور آنجہانی وجئے شنکر پانڈے کی تصویر پر گلہائے عقیدت پیش کی۔
یہ بھی پڑھیے
آج کا دن تاریخ کے آئینے میں
دہلی: انکاؤنٹر میں دو ہلاک
اس دوران سیاسی رہنماؤں میں سے بے جے پی کے ضلع انچارج وزیر سنتوش کمار نرالا، ایم ایل اے بھبھوا رنکی رانی پانڈے، ایم ایل اے موہنیاں اسمبلی نرنجن رام، لوک جن شکتی پارٹی کے ضلع صدر رام یش کشواہا، کانگریس لیڈر انیل تیواری، آر جے ڈی لیڈر پشوپتی ناتھ، بھولا سنگھ سمیت کافی تعداد میں سیاسی کارکنان نے شرکت کی۔
سابق ایم ایل اے آنجہانی وجئے شنکر پانڈے کے بیٹے و کانگریس آل انڈیا کمیٹی کے ممبر منا پانڈے نے اپنے خطاب میں آنجہانی رکن اسمبلی کی زندگی اور انکی کارکردگی پر روشنی ڈالی۔
واضح رہے کہ آنجہانی وجئے شنکر پانڈے بھبھوا اسمبلی حلقہ سے سنہ 1990 تا 1995 تک کانگریس پارٹی سے ایم ایل اے رہے۔ 85 سال کی عمر میں بنارس کے ہیریٹیج ہاسپیٹل میں آج ہی کی دن سنہ 2019 میں اس دنیائے فانی سے کوچ کر گئے۔
TAGGED:
'Late Vijay Shankar Panday