لالو کی ضمانت کی درخواست پرسماعت پھر ملتوی

ریاست بہار میں اربوں روپے کے چارہ گھوٹالہ معاملے میں سزا یافتہ راشٹریہ جنتا دل (آر جے ڈی) صدر لالو پرساد یادو کی ضمانت کی درخواست پر جھارکھنڈ ہائی کورٹ میں پھر سماعت ملتوی ہو گئی، جس سے انہیں ضمانت نہیں مل سکی۔

جھارکھنڈ ہائی کورٹ کے ایک وکیل کے انتقال کی وجہ سے آر جے ڈی صدر یادو کی ضمانت کی درخواست پر آج سماعت نہیں ہوسکی۔ یادو کی ضمانت کی درخواست پر سماعت کی اگلی تاریخ 6 دسمبر طے کی گئی ہے۔

اس سے قبل 8 نومبر 2019 کو جسٹس اپریس کمار سنگھ کی بنچ میں یادو کی جانب سے دمکا خزانے سے غیر قانونی طو ر پر پیسہ نکالنے کے معاملے میں ضمانت کی درخواست پر سماعت ٹل گئی تھی، جس سے ان کی ضمانت کی امید ٹوٹ گئی۔

عدالت نے ضمانت کی درخواست پر سماعت کی اگلی تاریخ 22 نومبر 2019 مقرر کی تھی۔ لیکن اس دن بھی ایک وکیل کے انتقال کی وجہ سے آر جے ڈی صدر کی درخواست پر سماعت نہیں ہو سکی تھی۔