'راہل کا غربت کے خلاف سرجیکل اسٹرائیک'

ریاستی کانگریس نے راہل گاندھی کے ذریعے غریبوں کے لیے سالانہ 72 ہزار کی امداد کو غریبی پر معاشی سرجیکل اسٹرائیک قرار دیا ہے۔

ریاست بہار میں کے دارالحکومت پٹنہ میں کانگریس کے ریاستی صدر مدن موہن جھا اور ریاستیں کانگریس کے انتخابی مہم کمیٹی کے صدر اکھلیش سنگھ نے پریس کانفرنس کے دوران کہا کہ کانگریس کے ذریعے کیا گیا یہ اعلان جملہ نہیں ہوگا۔ راہل گاندھی نے اب تک جو بھی وعدے کیے ہیں اسے پورا کیا ہے چاہے وہ مدھیہ پردیش یا راجستھان کا وعدہ ہو۔

اکھلیش نے کہا کہ 'راہل گاندھی کے ذریعے کیا گیا یہ فیصلہ غریبوں کے لیے سنگ میل ثابت ہوگا اور آزادی کے بعد ان 70 برسوں میں یہ بڑا تاریخی فیصلہ لیا گیا ہے کانگریس کے ذریعے غریبی پر یہ معاشی سرجیکل اسٹرائک ہے اس فیصلے سے ملک کی 20% غریبی کم ہو گی'۔

انہوں نے مزید کہا کہ اگر وہ اقتدار میں آتے ہیں تو وہ اسے نافذ کریں گے اور ارون جیٹلی کے ذریعے اٹھائے گئے سوال کا جواب دیتے ہوئے انہوں نے کہا کہ اس سے ملک کی معاشی صورتحال پر کوئی اثر نہیں پڑے گا وہ اس کا نظم بجٹ میں کریں گے۔

ریاستی کانگریس کمیٹی کے صدر مدن موہن جھا نے کہا کہ' یہ فیصلہ جملہ نہیں ہے ہم اسے ثابت کریں گے ہماری حکومت قائم ہوئی تو ملک سے 20 فیصد غریبی کم ہو گی'۔