ریاست بہار کی کیمور پولیس نے 24 گھنٹہ کے اندر نا معلوم جرائم پیشوں کے ذریعہ لوٹے گئے موبائل کو سم کے ساتھ ضبط کرنے میں کامیابی حاصل کی۔ ساتھ ہی لوٹ معاملہ میں شامل دو جراٸم پیشہ وروں کو بھی گرفتار کر جیل رسید کر دیا۔
اس بابت جانکاری دیتے ہوئے ایس پی دلنواز احمد نے بتایا کی 14 اپریل کو کدرا تھانہ میں ڈیہرا باشندہ دیوانند رام کے ذریعہ ایک ایف آئی آر درج کرائی گئی تھی۔
ایف آئی آر میں کہا گیا تھا کی وہ سبزی لینے کے لیے کدرا بازار جا رہا تھا تبھی ریلوے نہر کے پاس دو نامعلوم بدمعاشوں نے مار پیٹ کر موبائل چھین لیا۔
اس ایف آئی آر کے بعد کدرا پولیس نے 24 گھنٹے کے اندر لوٹے گئے موبائل کو سم کے ساتھ برآمد کر لیا ساتھ ہی منو عرف ابھی منیو ولد سریندر کھروار، سنجے کھروار ولد راج بلی کھروار دونوں سکری کدرا کے باشندہ کو گرفتار کر جیل بھیج دیا۔