کورونا کا اثر اب پان اور تمباکو پر

ضلع مجسٹریٹ نے کورونا وائرس پھیلنے کے خدشات کے پیش نظر گٹکا، تمباکو کے ساتھ ساتھ پان کی فروخت پر بھی پابندی عائد کردی ہے۔

ریاست بہار کے کیمور میں پان مسالہ گٹکھا جیسی اشیأ پر کورونا وائرس پھیلنے کے خدشات ہونے کا اندیشہ ظاہر کرتے ہوئے ضلع مجسٹریٹ نول کشور چودھری نے اس کی فروخت پر پابندی عائد کردی ہے۔

ضلع مجسٹریٹ ڈاکٹر نول کشور چودھری نے اس تعلق سے بتایا کہ مذکورہ اشیأ پہلے سے ہی صحت کو نقصان پہنچانے والی چیزوں میں شامل ہے۔ لیکن کورونا وائرس کے سبب اب ان چیزوں پر پابندی عائد کی جاتی ہے۔

ان کے استعمال کے ساتھ ساتھ عام جگہوں پر کھا کر تھوکنے اور گندگی پھیلانے پر پابندی عائد کی جاتی ہے۔ اسی وجہ سے محکمۂ صحت نے خدشات ظاہر کرتے ہوئے اس پر پابندی عائد کرنے کا فیصلہ کیا گیا ہے۔

انھوں نے کہا کہ عام لوگوں کے صحت اور انہیں محفوظ رکھنے کے لیے ایسا اقدام اٹھایا گیا ہے اور اس کی خلاف ورزی کرنے والوں کے پر قانونی کاروائی کے ساتھ ساتھ 200 روپئے جرمانہ بھی لگایا جائے گا۔