وزیر بننے کی لالچ میں چچا نے کیا وشواس گھات: چراغ

لوک جن شکتی پارٹی (ایل جے پی۔چراغ گروپ) کے قومی صدر چراغ پاسوان نے اپنے چچا پشوپتی کمار پارس پر وزیر بننے کی لالچ میں کنبہ اور پارٹی کے ساتھ وشواس گھات کرنے کا الزام لگاتے ہوئے آج کہاکہ ملک کے عوام انہیں کبھی معاف نہیں کریں گے۔

آشیر واد یاترا پر نکلے چراغ پاسوان نے جمعرات کو سمستی پور میں نامہ نگاروں سے بات چیت میں کہاکہ وقتی فائدے کیلئے چچا نے نہ صرف پارٹی کو توڑا بلکہ میرے والد اور ایل جے پی کے بانی آنجہانی رام ولاس پاسوان کی پیٹھ میں خنجر گھونپا ہے۔ انہوں نے کہاکہ ان کی ترجیح پارٹی کی بنیاد کو مضبوط کرنا ہے اور اسی کی کڑی آشیر واد یاترا ہے۔

چراغ پاسوان نے دعویٰ کیاکہ جنتادل یونائٹیڈ (جے ڈی یو) میں جلد بڑی ٹو ٹ ہوگی ۔ نتیش حکومت کی الٹی گنتی شروع ہو گئی ہے اور بہار میں وسط مدتی انتخاب ہونا یقینی ہے۔ انہوں نے کہاکہ جے ڈی کے کئی اراکین اسمبلی ان کے رابطے میں ہیں۔

یو این آئی