جاوید اختر کنہیا کی انتخابی مہم میں شریک ہونگے

جے این یو طلبہ یونین کے سابق صدر کنہیا کمار کی انتخابی مہم میں مختلف شعبہ حیات سے تعلق رکھنے والی شخصیات اور دانشوران شامل ہو رہے ہیں۔

ریاست بہار کے بیگوسرائے پارلیمانی حلقے سے انتخابات لڑنے والے کنہیاکمار کی انتخابی مہم میں شریک ہو نے کے لیے بالی وڈ کے معروف نغمہ نگار جاوید اختر 23 اپریل کو بیگو سرائے پہنچیں گے۔
ان کے علاوہ سی پی ایم کے رہنما سیتا رام یچوری، سی پی آئی کے لیڈر ڈی راجا اور سدھا کر ریڈی اور دیگر شخصیات بھی کنہیا کمار کی حمایت میں بیگو سرائے کا دورہ کر یں گے۔

بیگوسرائے سیٹ سے کنہیاکمار کا مقابلہ مرکزی وزیر اور بی جے پی کے سخت گیر رہنما گری راج سنگھ سے ہے۔

واضح رہے کہ معروف اداکار پرکاش راج اتوار کے روز بیگوسرائے پہونچے اور انھوں نے اپنے فیس بک پر لکھا کہ' بیگوسرائے کنہیا کے حمایت میں جمع ہورہا ہے، میں نے انکے ساتھ سفر کیا ہے، اور میں لوگوں کی آنکھوں میں امید دیکھ رہا ہوں، میں ماحول کو محسوس کرسکتا ہوں، میں ان کے ساتھ ہوں اور اس بات پر مجھے فخر ہے'۔

رواں ماہ 29 اپریل کو بیگوسرائے سیٹ کے لیے ووٹنگ ہوگی۔