بہار کے انٹر امتحان میں جوتے موزے پر پابندی

ریاست بہار میں آج سے بہار اسکول ایگزامینیشن بورڈ کی طرف سے سخت حفاظتی انتظامات میں انٹرمیڈیٹ کے امتحانات شروع ہوگئے ہیں۔ جس کے لیے تقریبا ایک ہزار 283 امتحانی مراکز بنائے گئے ہیں۔تمام امتحانی مراکز پر دفعہ 144 نافذ ہے۔

امتحان کے پہلے دن پہلی شفٹ میں سائنس کے طلبہ اور دوسری شفٹ میں آرٹس کے طلبہ کے امتحانات ہوں گے۔امتحانی مراکز میں نقل کی روک تھام کے لیے طلبات کے جوتے موزے اتار دیے جا رہے ہیں۔یہیں نہیں اس بار ایگزامینیشن بورڈ نے او ایم آر شیٹ پر طلبہ کی تصویر بھی چھاپ رکھی ہے۔

تمام امتحانی مراکز پر پولیس انتظامیہ کی تعیناتی کی گئی ہے۔اس بار امتحان میں تقریبا 12 لاکھ سے زائد طلبہ امتحان دے رہیں ہیں۔بورڈ نے نقل کی روک تھام کے لیے ویڈیو گرافی کے ساتھ ساتھ امتحانی مراکز پر سی سی ٹی وی کیمرے بھی لگائے گئے ہیں۔

تمام امتحانی مراکز پر دفعہ 144 نافذ کی گئی ہے۔ساتھ ہی مجسٹریٹ کی تعیناتی کی گئی ہے۔وہیں طلبات کے جوتے موزے پہننے پر پابندی عائد کی گئی ہے۔طلبہ امتحانی مراکز کے اندر جوتے موزے اتار کر داخل ہوں گے۔بورڈ نے امتحان کی نگرانی کرنے کے لیے انٹر کانسل میں کنٹرول روم کی تشکیل بھی کی ہے۔