بانکا: غیر قانونی شراب ضبط

ریاست بہار کے ضلع بانکا میں ایمبولینس کے اندر سے کثیر تعداد میں انگریزی شراب برآمد ہوئی۔

بانکا ضلع کے بونسی تھانہ علاقہ سے پولیس نے بدھ کو ایمبولینس سے کثیر مقدار میں انگریزی شراب برآمد کر کے تین اسمگلروں کو گرفتار کرلیا ہے۔

پولیس ذرائع نے یہاں بتایاکہ اطلاع کی بنیاد پر بھاگلپور ۔ دمکا روڈ پر شیام بازار کے نزدیک ایک ایمبولینس کو روک کر تلاشی لی گئی۔

تلاشی کے دوران ایمبولینس سے 510 بوتل انگریزی شراب برآمد کی گئی ۔

ذرائع نے بتایاکہ اس سلسلے میں تین اسمگلروں کو گرفتار کیا گیا ہے۔

اسمگلروں کی شناخت بھاگلپور ضلع کے جگدیش پور تھانہ علاقہ کے بیجنی گاﺅں باشندہ چترنجن پانڈے ، عیسٰی چک باشندہ گوتم کمار اور سندیپ کمار کے طور پر کی گئی ہے۔

پولیس ان سے تفتیش کر رہی ہے ۔