آپ کھیل میں ماہر ہیں تو حکومتِ بہار میں مل سکتی ہے نوکری

حکومتِ بہار کھیل میں صلاحیت رکھنے والوں کے لئے نوکری کا بہترین موقع فراہم کررہی ہے۔ جس کے لئے اشتہار جاری کیا گیا ہے۔

اگر آپ کھیل میں ماہر ہیں اور اپنی صلاحیت پر بھروسہ ہے تو آپ کے لئے اچھا موقع ہے۔ بہار سرکار 21 کھلاڑیوں کو نوکری دینے جارہی ہے۔ دراصل محکمہ پولیس نے کھیل کود کوٹہ سے پولیس سب انسپکٹر بھرتی 2021 کے لئے اشتہار جاری کردیا ہے۔ اہل امیدوار 10 جولائی سے 9 اگست تک اس کے لئے درخواست دے سکتے ہیں۔

اگر آپ خواہش مند ہیں تو آپ کو محکمہ پولیس کے نام سردار پٹیل بھون پٹنہ کے نام درخواست دینا ہوگا، ویسے آپ آفیشیل ویب سائٹ http://www.biharpolice.bih.nic.in/ پر بھی جانکاری حاصل کر سکتے ہیں۔

اس بھرتی میں اہم بات یہ ہے کہ اس میں تحریری امتحان نہیں لیا جائے گا۔ ڈی جی پی کی نگرانی میں تشکیل دی گئی کھیل سمیتی کے ذریعے اچھے کھلاڑیوں کو ڈھونڈا جارہا ہے۔

اس کے لئے یکم جولائی 2021 سے پہلے کسی منظور شدہ کالج سے گریجویشن یا ریاستی سرکار کے ذریعے منظور شدہ اس کے برابر کی ڈگری ہونا ضروری ہے۔

امیدواروں کو جملہ 100 نمبروں کے معیار پر کھرا اترنا پڑے گا۔ 100 نمبرات میں کم از کم 60 نمبر حاصل کرنے والے ہی مناسب سمجھے جائیں گے۔ تاہم جس کو زیادہ سے زیادہ نمبر ملیں گے انہیں ہی ترجیح دی جائے گی۔ اس میں کھیل میں کامیابی کا پیمانہ 70 نمبر کا ہوگا جب کہ سلیکشن ٹیسٹ کے دوران تشخیص 30 نمبر کی ہوگی۔