دربھنگہ روزگار میلے میں سینکڑوں بے روزگار نے حصہ لیا

ریاست بہار کے محکمہ لیبر وسائل کے علاقائی امپلائمنٹ سینٹر دربھنگہ کے زیر اہتمام پڑھے لکھے بے روزگار نوجوانوں اور مزدوروں کو روزگار دلانے کے مقصد سے بروز سوموار 31 اگست کو مشترکہ لیبر عمارت دربھنگہ کے احاطے میں روزگار میلے کا انعقاد کیا گیا۔

دربھنگہ روزگار میلے میں گجرات کی ویلسن انڈیا لمیٹید کمپنی جو ٹیکسٹائل کے شعبے میں کام کرتی ہے اس کے ایچ آر افسر نے کہا کہ لگ بھگ 500 بے روزگار طلباء اور مزدوروں کو روزگار دینے کا کمپنی کا منصوبہ ہے۔

اس موقع پر موجود اسسٹنٹ امپلائمنٹ ڈائریکٹر آشش آنند نے کہا کہ اس روزگار میلے کے موقع پر کل 209 بے روزگار طلبا اور مزدوروں کو کمپنی نے روزگار دینے کے لیے منتخب کیا ہے، جسے ایک مہینے کے اندر آفر لیٹر فراہم کرایا جائے گا۔

دربھنگہ روزگار میلے میں سیکڑوں بے روزگار نے حصہ لیا

وہیں اس روزگار میلے میں شرکت کرنے آئی بے روزگار طالبہ سونی کماری جو ایم کام پاس ہیں انہوں نے کہا کہ اسے بھی روزگار کی تلاش ہے اسی لئے اس میلے میں آئی ہیں اسے کمپنی روزگار دے گی تو وہ خوشی خوشی آفر قبول کریں گی۔