قبرستان بے حرمتی کا شکار ہے

افسوسناک پہلو یہ ہے کہ بعض لوگ قبرستان کا استعمال رفع حاجت کے لیے بھی کرتے ہیں، نیز بعض افراد یہاں تاش بھی کھیلتے ہیں۔

ریاست بہار کے گیا ضلع سے بیس کلو میٹر کے فاصلے پر واقع ایلرا گاؤں کا قبرستان چاردیواری نہیں ہونے کے سبب خستہ حالی کا شکار ہے۔

غربت کی وجہ سے گاؤں کے عوام بذات خود چاردیواری کروانے کی صلاحیت نہیں رکھتے ہیں۔لوگوں کی آمد و رفت اور جانوروں کی آوارگی سے قبروں کو نقصان پہنچتا ہے، صورتحال یہ ہو چکی ہے کہ قبرستان میں کہاں قبر ہے اور کہاں نہیں یہ معلوم کرنا مشکل ہے۔

افسوسناک پہلو یہ ہے کہ بعض لوگ قبرستان کا استعمال رفع حاجت کے لیے بھی کرتے ہیں، نیز بعض افراد یہاں تاش بھی کھیلتے ہیں۔

مقامی لوگوں کا کہنا ہے کہ انہوں نے اپنی سطح پر قبرستان کے حد بندی کی کوشش کی لیکن کامیابی نہیں ملی۔