Bihar Nagar Nikay Election Results 2022 ٹکاری پریشد سے پہلی مرتبہ چیئر مین کے عہدے پر مسلم امیدوار کی جیت

گیا ضلع کے ٹکاری نگر پریشد کے لیے پہلی مرتبہ کوئی مسلم رہنما چیئر مین کے عہدے پر منتخب ہوا ہے۔ یہاں نگرپریشد میں مسلم ووٹروں کی تعداد کم ہونے کے باوجود مسلم امیدوار نے جیت درج کی ہے۔Muslim candidate Azhar Imam wins from Takari Parishad

ریاست بہار کے گیا ضلع کے چھ بلدیاتی حلقہ میں ایک ' ٹکاری پریشد ' سے چیئرمین کے عہدے پر پہلی مرتبہ کسی مسلم امیدوار کی جیت ہوئی ہے ، ٹکاری سے چیئرمین اظہرامام منتخب ہوئے ہیں ۔کاونٹنگ ہال کے باہر اظہر کے حامیوں ز نے زبردست طریقے سے جیت کا جشن منایا ، اظہر امام نے قریب سات سو سے زیادہ ووٹوں سے جیت درج کی ہے۔Muslim candidate Azhar Imam wins from Takari Parishad

اظہرامام ایک سماجی کارکن ہیں اور انہوں نے کورونا کے دوران ٹکاری میں ' کھانا اور خون ' نام سے مہم شروع کرکے سینکڑوں لوگوں کی مددکی تھی، انکے ساتھ کام کرنے والے ہندو مسلم نوجوانوں نے اس الیکشن میں انکا بھرپور ساتھ دیا اور ٹکاری کی عوام نے ان پربھرپور اعتماد کیا ہے جسکی وجہ سے انکی جیت ہوئی ہے ۔اظہر امام نے جیت کے بعد ٹکاری پریشد کے عوام کا شکریہ ادا کرتے ہوئے کہاکہ ان پر سبھی طبقے و برادری کے لوگوں نے بھروسہ کیا ہے جن مدوں کے ساتھ وہ انتخاب میں آئے تھے اسے وہ ہرحال میں پورا کرینگے ، انکی یہی کوشش ہوگی کہ ٹکاری شہر کی ترقی ہو ، بنیادی سہولیات کی فراہمی کو یقینی بنایاجائے اور یہاں سے کرپشن کا خاتمہ ہو۔

واضح ہوکہ ٹکاری نگر پریشد سے چیئرمین کے عہدے کے لیے 21 امیدوار کھڑے تھے جس میں اظہر امام کو 2819ووٹ ملے جبکہ سکنڈ پوزیشن پر رہے جتیندر کمارکو 2084ووٹ ملے ۔یہاں سے ڈپٹی چیئرمین کے عہدے پر ساگر کمار نے جیت درج کی ہے خاص بات یہ ہے کہ ٹکاری کے مسلم ووٹرز نے دانشمندی اور مصلحت کے ساتھ اس انتخاب میں ووٹ کیا یہاں سے کھڑے کل اکیس امیدواروں میں مسلم طبقے سے تنہا امیدوار اظہر امام تھے جسکی وجہ سے ٹکاری کے مسلم ووٹروں کا اکثریت ووٹ اظہر امام کو ملا ہے حالانکہ انہیں سبھی طبقے کا ووٹ حاصل ہوا ہے تاہم اس میں اکثریتی ووٹ مسلم طبقے کا شامل ہے وہیں ٹکاری پریشد کے مختلف وارڈوں سے پانچ مسلم پارشد بھی اس بار منتخب ہوئے ہیں۔