کیمور: جے سی بی چوری کرنے آئے چور گرفتار

ضلع کیمور میں جے سی بی چوری کرنے پہنچے دو چوروں کو گاؤں والوں نے دھر دبوچا اور پولیس کے حوالے کردیا۔

ریاست بہار کے ضلع کیمور کے بھبھوا میں واقع سُورنا ندی کے قریب جی این کنسٹرکشن کمپنی کا ایک گودام ہے۔ جہاں جے سی بی اور لاکھوں کا سامان پڑا ہوا ہے۔ جس کی جانکاری چوروں کو ہوئی اور وہ چوری کرنے گودام پہنچ گئے۔

چوری کرنے آئے چوروں نے جیسے ہی جے سی بی مشین کو ہاتھ لگایا اور بیٹری کھولنے کی کوشش کی تبھی جی پی ایس سسٹم ہونے کے وجہ سے جے سی بی مالک کے موبائل پر ایک میسیج آ گیا۔ میسیج پڑھتے ہی مالک اپنے حمایتیوں کے ساتھ پہنچا اور چوروں کو دھر دبوچا۔ یہ واقعہ گزشتہ رات قریب 12 بج کر 30 منٹ پر پیش آیا۔

بتایا جارہا ہے کہ گزشتہ رات چور ایک اسکارپیو پر سوار ہوکر ایک منصوبہ کے تحت جے سی بی اور دیگر سامان چوری کرنے پہنچے تھے، چور اپنے ساتھ ایک ہائیڈرا مشین اور دو ٹرک بھی ساتھ لائے تھے۔

جے سی بی مالک نے اس کی اطلاع بھبھوا پولیس کو دی۔ اطلاع پر پہنچی پولیس نے دونوں چوروں کو گرفتار کرلیا۔