اطلاعات کے مطابق پی ایم سی ایچ کے ایمرجنسی بلڈنگ کے اوپری منزل میں آگ لگ گئی ہے۔ آگ لگتے ہی ہسپتال میں افرا تفری مچ گئی۔ مریض سمیت ڈاکٹر اور نرس ادھر ادھر نکل کر بھاگنے لگے۔ اطلاع ملتے ہی موقع پر پہنچی فائر برگیڈ کی ٹیم آگ پر قابو پانے کی کوشش میں لگی ہوئی ہے۔
وارڈ میں بھرتی مریضوں کو باہر نکالا جا رہا ہے۔ جانکاری کے مطابق بلڈنگ میں لگی آگ کی وجہ شارٹ سرکٹ بتائی جا رہی ہے، لیکن اس کی تصدیق نہیں ہو پائی ہے۔ اطلاع ملتے ہی فائر بریگیڈ کی تین گاڑیاں موقع پر پہنچ گئی ہیں۔ اس کے بعد سے آگ بجھانے کا کام مسلسل جاری ہے۔ آتشزدگی کے اس حادثے کے بعد پی ایم سی ایچ کے ایمرجینسی وارڈ میں بھرتی مریضوں کو بھی باہر نکالا جا رہا ہے۔
موقع پر پوری طرح افرا تفری کا ماحول ہے۔ آتشزدگی میں ایمرجینسی کے ساتھ آئی سی یو میں بھی نقصان ہوا ہے۔ حالانکہ آگ پر قابو پانے کی کوشش کی جا رہی ہے۔ حادثے کی جانکاری ملتے ہی پٹنہ کے پیربہور سمیت کئی تھانوں کی پولیس پہنچی ہے اور حالات پر قابو پانے کی کوشش کر رہی ہے۔ کورونا وائرس کے پیش نظر ان دنوں ہسپتال انتظامیہ سمیت محکمہ صحت ہائی الرٹ پر پر ہے۔