'ابر رحمت کہیں زحمت نہ بن جائے'

سیمانچل کے مختلف علاقوں میں گذشتہ تین چار دنوں سے مسلسل موسلادھار بارش ہورہی ہے۔ بارش سے تو کسان خوش نظر آرہے ہیں لیکن انہیں یہ خوف بھی ہے کہ یہ بارش کہیں سیلابی صورت نہ اختیار کرلے۔

کشن گنج ضلع جہاں کی 70 فیصدی آبادی کھیتی باڑی پر منحصر ہے۔ یہاں دھان کی کھیتی خصوصی طور پر کی جاتی ہے کیونکہ اس علاقہ میں چاول کا استعمال کثرت سے کیا جاتا ہے اور دھان کی کھیتی کے لیے یہی مناسب وقت ہے اس لیے یہ بارش کسانوں کے لیے رحمت کی بارش جیسی ہے۔

نمائندہ نے دھان کی روپائی کر رہے کسانوں اور مزدوروں سے خاص بات چیت کے دوران جاننا چاہا کہ انہیں دھان کی کھیتی کے دوران کن کن مرحلات سے گزرنے ہوتے ہیں ۔اگر سیلاب آجائے یا پھر سوکھا پڑ جائے تو کیا انہیں سرکار کی جانب سے فصل بربادی کے معاوضے ملتے ہیں یا نہیں؟

وہیں مزدوروں سے بھی جاننے کی کوشش کی گئی کہ کیا انہیں محنتانہ کے طور پر صحیح مزدوری ملتی ہے کہ نہیں۔