اس رپورٹ میں یہ بھی بتایا گیا ہے کہ 34 امیدوار ایسے ہیں جن کی تعلیمی لیاقت پانچویں درجے سے بارہویں درجے تک کی ہے۔
قابل ذکر ہے کہ بہار میں دوسرے مرحلے کے 5 پارلیمانی حلقے میں پورنیہ، کٹیہار، بانکا بہار، بھاگلپور اور کشن گنج میں ہونے والے انتخابات میں اپنی قسمت آزما رہے 68 امیدواروں میں 21 فیصد یعنی 21 کے خلاف مختلف جرائم کے معاملات درج ہیں۔
مذکورہ حلقوں سے انتخابات لڑنے والے لوگوں میں 14 ایسے ہیں جن پر سنگین جرائم کے معاملات درج ہیں جن میں پانچ برس یا اس سے زیادہ کی سزا پانے والے جرم یا غیر ضمانتی جرم کے معاملات شامل ہیں۔
رپورٹ کے مطابق 68میں 34 امیدواروں میں پانچویں درجہ پاس ہیں ایک امیدوار نے اپنی تعلیمی لیاقت کا تذکرہ تک نھیں کیا ہے، جبکہ سات امیدواروں نے صرف اپنے کو تعلیم یافتہ بتایا ہے 45 امیدواروں نے اپنی عمر 25 سے 50 سال کے درمیان بتایا ہے جبکہ کے 21 امیدواروں نے اپنی عمر 51 سے 80 سال کے درمیان اعلان کیا ہے۔
دوسرے مرحلے کے دو امیدواروں نے اپنے پاس کچھ نہیں ہونے کا اعلان کیا ہے ان میں کشن گنج سے جے ایم ایم کے امیدوار سوکل مرمو بھہی شامل ہیں۔
21 امیدوارایسے ہیں جن کے پاس ایک کروڑ روپے سے زیادہ کا املاک ہے ان میں جے ڈی یو کے 4 کانگریس کے 3 آر جے ڈی کے دو بی ایس پی کے 2 جے ایم ایم کے 2 آپ کے ایک اور چھ آزاد امیدواروں کے نام شامل ہیں۔
پورنیہ سے کانگریس کے امیدوار پپو سنگھ اب تک کے سب سے امیر ترین امیدواروں میں شامل ہیں ان کے پاس 341 کروڑ 46 لاکھ روپے کہ املاک ہے۔
