دربھنگہ میں مرکزی حکومت کے خلاف کیے گئے اس احتجاج میں کارکنان نے بر سراقتدار جماعت کے خلاف نعرے بازی بھی کی۔
کارکنان کا کہنا تھا کہ ملک میں بڑھتی ہوئی منہگائی اور برھتی ہوئی بے روزگاری اور ملک میں جاری اقتصادی مندی کے سبب انھیں یہ احتجاج کرنا پڑرہا ہے۔
اس احتجاج میں کانگریس ضلع صدر سیتا رام چودھری کے علاوہ کانگریس کے درجنوں سینئر رہنما بھی موجود تھے۔
اس موقع پر دربھنگہ ضلع کانگریس صدر سیتا رام چودھری نے کہا کہ اکھل بھارتیہ کانگریس کمیٹی کی ہدایت پر مرکزی حکومت کے خلاف یہ احتجاج کیا جارہا ہے۔
سیتا رام چودھری کا کہنا ہے کہ' وزیراعظم نریندر مودی کی حکومت نے گزشتہ چھ برسوں میں ملک میں بے روزگاری کی شرح میں اضافہ کر دیا ہے اور یہ حکومت روزگار مہیا نہیں کرا رہی ہے۔
انھوں نے مزید کہا کہ مرکزی حکومت نے نوٹ بندی اور جی ایس ٹی لاگو کرکے مہنگائی میں بے تحاشہ اضافہ کردیا ہے جس سے عام زندگی بری طرح سے متاثر ہو رہی ہے دربھنگہ ضلع کانگریس ان سارے مسائل کے بارے میں صدرِ جمہوریہ کو ایک خط بھی لکھیں گے'۔