ریاست بہار کے ضلع ارریہ میں کورونا وائرس کیسز پوری طرح ختم بھی نہیں ہوئے اور لوگ بازاروں اور دیگر عوامی جگہوں پر بغیر کسی روک ٹوک کے بغیر ماسک لگائے گھومتے ہوئے نظر آ رہے ہیں، شہر کے علاوہ دیہی علاقوں کا بھی تقریباً یہی حال ہے، اسی ضمن میں ضلع پریشد رکن شگفتہ عظیم آج اپنے حلقے مدن پور میں لوگوں سے ملاقات کر ان کے درمیان ماسک تقسیم کرتے ہعئے اسے ضروی قرار دیا ہے۔
سماجی دوری کا لازمی طور پر عمل کریں ساتھ ہی ہر حال میں ماسک کا استعمال کریں. گھر سے جب بھی باہر نکلیں تو ماسک لگا کر نکلیں، یہ ہماری ذمہ داری ہے اور دوسروں کو بھی اس جانب توجہ دلائیں اور احتیاط برتنے کی گزارش کریں۔
شگفتہ عظیم نے کہا کہ آج بھی کورونا سے متاثر کئی مریض مل رہے ہیں، یہ بیماری ابھی پوری طرح سے ختم نہیں ہوئی ہے، حکومت نے یومیہ زندگی میں جو راحت دئ ہے، اس کا صحیح استعمال کریں، لاپرواہی نہ برتیں، آج بھی ارریہ سمیت پورے بہار میں کورونا مثبت کیسز مل رہے ہیں۔
وہیں ماسک تقسیم کے دوران لوگوں نے شگفتہ عظیم کا شکریہ ادا کرتے ہوئے کہا کہ اس پر پوری طرح سے عمل ہوگا۔
