کیمور: پیڑ سے لٹکتی ملی سبزی فروش کی لاش

رام گڑھ تھانہ حلقہ کے بشونپورا موضع باشندہ منا کمار کی لاش پولیس نے گھر سے کچھ دوری پر واقع ایک باغیچے میں آم کے پیڑ سے لٹکتی حالت میں برآمد کی۔

ریاست بہار کے کیمور ضلع کے رام گڑھ تھانہ حلقہ میں ایک بڑا واقعہ رونما ہوا۔ رام گڑھ پولیس کو باغیچے سے آم کے درخت سے ایک سبزی فروش کی لاش کو لٹکی ہوئی حالت میں ملی ہے۔

آم کے درخت سے لٹکی لاش کی اطلاع جیسے ہی مقامی لوگوں کو ملی وہاں لوگوں کا ہجوم امڈ پڑا۔ لاش ملنے سے علاقے میں سنسنی پھیل گٸی۔

پولس نے لاش کی پہلے شناخت کی اور اس کے بعد بھبھوا صدر ہسپتال لاکر پوسٹ مارٹم کرایا۔اس کے بعد اہل خانہ کو سپرد کر دیا۔

اطلاعات کے مطابق ہلاک ہوا شخص رامگڑھ تھانہ حلقہ کے بشونپورا گاؤں کا رہنے والا منا کمار بتایا گیا ہے، جو دیوریا میں رہ کر سبزی فروخت کرنے کا کام کرتا تھا۔

بتایا جاتا ہے کہ منا کمار 10 دن سے لا پتہ تھا، جس کی تلاش گھر والے کئی روز سے کر رہے تھے۔

وہیں پولس موت کیسے ہوئی ہے، اس معاملے میں کچھ بھی بولنے سے پرہیز کر رہی ہے۔