گیا: نجی ہسپتالوں میں سات سوروپے میں ہوگا کورونا کا ٹیسٹ

ضلع گیا کے نجی ہسپتالوں میں کورونا کا ٹیسٹ ریپڈ اینٹیجین کٹس سے ہوگا۔ محکمہ صحت نے کورونا ٹیسٹ کی فیس کے طور پر سات روپئے لینے کی ہدایت دی ہے، انہی ہسپتالوں کوجانچ کرنے کی اجازت ہوگی جہاں کووڈ۔19 کے مریضوں کاعلاج ہوگا۔

ریاست بہار کے محکمہ صحت کے ایڈیشنل سکریٹری کے ذریعے دی گئی ہدایت کی روشنی میں گیا کی نجی ہسپتالوں میں ریپڈ اینٹیجین کٹ کے ذریعے کورونا کی جانچ ہوگی، سول سرجن کو ہدایت دی گئی ہے کہ نجی ہسپتالوں کے ذریعے درخواست موصول ہونے پر جانچ کی کاروائی کی اجازت دی جائے ، اس اجازت نامے کی ایک کاپی محکمہ صحت اور ایگزیکٹیو ڈائریکٹر، ریاستی صحت کمیٹی کو بھی دستیاب کرنے کی ہدایت دی گئی ہے۔

نجی اداروں کو اس کام کے لئے آئی سی ایم آر سے رابطہ کرنے یا اجازت لینے کی ضرورت نہیں ہے اور انہیں این اے بی ایچ سے بھی اجازت کی ضرورت نہیں ہے۔
ریپڈ اینٹیجن کٹ کی اجازت دینے کے لئے یہ شرط طے کی گئی ہے کہ ان ٹیسٹ سے متعلق اعداد و شمار کو ریاستی صحت کمیٹی اور آئی سی ایم آر کے کووڈ 19پورٹل اور سول سرجن کو اس کی فہرست دستیاب کرانا ہوگا۔

سول سرجن کے ذریعہ ریپڈ اینٹیجن ٹیسٹ کے ڈیٹا انٹری کے لئے ان اداروں کو آئی سی ایم آر کے ذریعہ فراہم کردہ لاگ ان آئی ڈی اور پاس ورڈ بھی فراہم کرایا جائےگا۔

یہ اجازت صرف ان اسپتالوں کے لئے دی جائے گی جو کووڈ مریضوں کا علاج کر رہے ہیں۔

ریاستی حکومت نے ریپڈ اینٹیجن کٹس کے ذریعے جانچ کرنے پر اس کی فیس کے لئے 700 روپے مقرر کئے گئے ہیں۔

واضح ہوکہ ضلع گیا میں اب تک کورونا کے 2364مثبت کیسز کی تصدیق ہوچکی ہے، سرکاری اعداد وشمار کے مطابق کورونا وبا سے اب تک 21 افراد کی موت بھی ہوچکی ہے۔

گیا میں بڑھتے کیسز کے پیش نظر نجی ہسپتالوں کو کورونا کی جانچ کرنے کی اجازت دی گئی ہے۔