ریاست بہار میں کروناوائرس کے مثبت معاملے میں مسلسل اضافہ ہو رہا ہے جو محکمہ صحت کے لیے فکرمندی کا باعث ہے۔
واضح رہے کہ ریاست بھر میں مثبت مریضوں کی تعداد 378 پہنچ گئی ہے، جبکہ 28 اضلاع متاثر ہیں، جن میں 13 اضلاع ریڈ زون میں شامل کیے گئے ہیں۔
ریاست میں کرونا مثبت معاملے میں اضافہ ہورہا ہے، جہاں کل مثبت مریضوں کی تعداد 378 پہنچ گئی ہے، تاہم ریاست کے لیے اچھی بات یہ ہے کہ اب تک صرف دو مثبت مریض اس بیماری سے ہلاک ہوئے ہیں، جبکہ 63 مریض صحتیاب ہو کر گھر لوٹ چکے ہیں۔
وہیں ریاست کے 38 اضلاع میں سے 13 اضلاع کرونا متاثر ریڈ زون میں شامل ہوگئے ہیں، ان میں بیگوسرائے، بھاگلپور، گیا، بکسر ، گوپال گنج، کیمور، منگیر، نالندہ، نوادہ، دارالحکومت پٹنہ، روہتاس، سارن اور شیوان شامل ہیں۔
واضح رہے کہ ان میں سب سے زیادہ معاملہ ضلع منگیر میں سامنے آیا ہے جس کی تعداد 93 ہوگئی ہے۔
خیال رہے کہ اسی درمیان آج 12 نئے معاملے سامنے آئے، ان میں سبھی متاثر بکسر کے رہنے والے ہیں ان میں سات عورتیں اور پانچ مرد کے علاوہ ایک 16 مہینے کی بچی بھی متاثر پائی گئی ہے۔
یاد رہے کہ گزشتہ روز سیمانچل کے ارریہ سے پہلا کیس سامنے آیا تھا، وہیں شیخ پورہ بھی پہلے کیس کے ذریعے کرونا متاثر ضلع میں شامل ہوا ہے، جبکہ اب تک 28 اضلاع سے متاثر ہوچکے ہیں۔