کانگریس نے اپنے ہی امیدوار کو نااہل قرار دیا

ووٹنگ سے قبل کشن گنج کانگریس پارٹی کے سینئر رہنما صادق صمدانی نے کانگریس پارٹی کے امیدوار ڈاکٹر جاوید آزاد کو نا اہل امیدوار بتاکر یہاں کی سیاست ہلچل مچادی ہے۔

عام انتخاب 2019 کے پیش نظر ریاست بہار کے کشن گنج حلقہ نمبر 10 میں 18 اپریل کو ووٹنگ ہونی ہے۔

ای ٹی وی بھارت کے نمائندہ سے گفتگو کے دوران صمدانی نے کہا کہ ڈاکٹر جاوید رکن پارلیمان کے لائق بھی نہیں ہیں، وہ تو ہر بار الیکشن کے وقت بی جے پی بنام کانگریس کی ہوا چلتی ہے، سیاسی طور پر کم سمجھ رکھنے والی کشن گنج کی عوام بی جے پی نہ آجائے اس خوف سے کانگریس کے کسی بھی امیدوار کو جتا دیتے ہیں اور پھر ضلع پسماندہ کا پسماندہ رہ جاتا ہے۔

صادق صمدانی نے کہا کہ ملک آزاد ہوئے 71برس بیت گئے ہیں لیکن سیمانچل خصوصاً کشن گنج کی عوام آج بھی بنیادی سہولیات سے محروم ہے۔

انہوں نے مزید کہا کہ اے ایم یو سینٹر کشن گنج آج بند ہونے کی حالت ہے اس کے لئے سیدھے طور پر یہاں کے اس وقت کے رکن پارلیمان اور یو پی اے 2 کی حکومت ذمہ دار ہے۔