کمشنری سطح پرشعبہ صحت کا جائزہ

ریاست بہار کے مگدھ کمشنر پنکج کمار پال کے زیر صدارت سبھی اضلاع کے شعبے صحت کے عہدے داروں کے ساتھ میٹنگ کا اہتمام کیا گیا۔

میٹنگ میں پنکج کمار پال کو بتایا کہ گیا کمنشری میں چھ ضلع ہسپتال، سب ڈیویژن سطح پر چار ہسپتال اور آٹھ ریفرل ہسپتال ہیں۔اور ڈاکٹروں کی دستیابی کے متعلق جانکاری فراہم کی گئی۔
انھیں بتایا گیا کہ ارول ضلع میں بیس ڈاکٹروں کی ضرورت ہے جبکہ وہاں صرف آٹھ ڈاکٹر موجود ہیں۔
اورل کے علاوہ نوادہ، اورنگ آباد اور جہان آباد کے اسپتال کے متعلق بھی پنکج کمار پال نے تفصیلی جانکاری حاصل کی۔
انہوں نے تمام اضلاع کے سول سرجن کو اسپتالوں میں موجود خامیوں کو دور کرنے کی ہدایت دی۔
اس موقع پر پنکج کمار پال نے کہا کہ ان کامقصد صحت کے تئیں سنجیدگی کا مظاہرہ کرتے ہوئے عوام کو زیادہ سے زیادہ فائدہ پہونچانا ہے۔
اس میٹنگ میں مگدھ کمشنری کے تمام اضلاع کے سول سرجن کے علاوہ شعبہ صحت کے عہدے دار بھی موجود تھے۔