پولیس ذرائع نے آج یہاں بتایا کہ کل شام روڈ شو کے دوران اسی تھانے کے کورائے گاﺅں میں کچھ لوگوں نے کنہیا کمار کو کالا جھنڈا دکھایا اور ان کے خلاف نعرے بازی کی۔ اس کے بعد دونوں فریق کی جانب سے جھڑپ اور مارپیٹ ہوگئی۔
اس معاملے میں کل رات کنہیا کمار کے علاوہ 12 نامزد اور چھ نامعلوم کے خلاف گڑھ پورا تھانے میں دونوں جانب سے ایف آئی آر درج کرائی گئی ہے ۔
ذرائع نے بتایا کہ معاملے کی تفتیش کی جارہی ہے اور قصورواروں کے خلا ف سخت کارروائی کی جائے گی ۔
غور طلب ہے کہ سنہ 2019 کے لوک سبھا انتخابات میں بیگو سرائے پارلیمانی حلقہ میں جواہرلا نہرو یونیورسیٹی ( جے این یو )دہلی طلبا یونین کے سابق صدر اور سی پی آئی کے امیدوار کنہیا کمار کا بی جے پی کے سینیئر رہنما اور سابق مرکزی وزیر گری راج سنگھ اور آر جے ڈی کے امیدوار تنویر حسن کے مابین سہ رخی مقابلہ ہے۔
