ریاست بہار کے ارریہ میں متعد مویشیوں کی موت سے علاقے میں سنسنی پھیل گئی۔ مرنے والوں میں تین بکری اور ایک گائے کا بچہ ہے۔ یہ سبھی مویشی ایک ہی مالک نارائن چودھری کے ہیں، مویشیوں کی موت سے علاقے میں خوف کا ماحول ہے۔
اسی ضمن میں کل نگر پریشد کی جانب سے رہیکا ٹولہ میں بھی مختلف جگہوں پر سینیٹائزر کا چھڑکاؤ کیا گیا تھا۔
اسی چھڑکاؤ والی گھاس کھانے سے جانوروں کی موت ہوئی ہے۔ اس واقعہ کے بعد جانور پالنے والوں میں خوف کا ماحول ہے اور لوگ باہر کے کسی طرح کا چارہ لانے سے گریز کر رہے ہیں۔
ادھر مرنے والے جانور کے مالک نارائن چودھری نے کہا کہ ہم روزانہ گائے بکری کے لئے گھاس کاٹ کر لایا کرتے تھے، آج بھی اسی جگہ سے لانے گئے تھے۔
مگر مجھے اس کا کوئی علم نہیں تھا کہ اسی جگہ سینیٹائزر کا چھڑکاؤ کیا گیا ہے، گھاس کھاتے ہی ایک گھنٹہ کے اندر اندر جانوروں کی موت ہونے لگی۔
نارائن چودھری کی اہلیہ روتے ہوئے کہتی ہیں ہماری روزی روٹی کا یہی سہارا تھا، بکری کا دودھ فروخت کر دو وقت کی روٹی کا نظم ہوتا تھا، مگر اب سب ختم ہو گیا۔
