بی جے پی ہندوؤں کو گمراہ کر رہی ہے: کنہیا

سی پی آئی رہنما کنہیا کمار نے منگل کے روز امام گنج میں کہا کہ 'بی جے پی ہندوؤں کو گمراہ کررہی ہے، ہندوؤں کوسبزباغ دکھایا جا رہا ہے کہ ملسمانوں کو این آرسی سے باہر کر کے ان کی املاک ہندوؤں کودی جائے گی۔'

ریاست بہار کے ضلع گیا میں سی پی آئی رہنما کنہیا کمار اور کانگریسی ایم ایل اے شکیل احمد خان 'جن گن من یاترا' کے تحت دورہ پر ہیں، سابق وزیراعلی جیتن رام مانجھی کے اسمبلی حلقہ امام گنج میں جلسہ عام ہوا۔

جس میں ایک ہی اسٹیج پر جیتن مانجھی، کنہیا کمار اور کئی کانگریسی رہنما موجود تھے۔ کنہیا کمار نے امام گنج کے گاندھی میدان میں جلسہ عام میں وزیراعظم نریندر مودی اور وزیرداخلہ امت شاہ پر شدید نکتہ چینی کی اور کہا کہ ملک میں نفرت کا ماحول قائم کرنے کی کوشش کی گئی، تاہم بھارتی عوام نے ناکام کر دیا ہے۔'

سی پی آئی رہنما کنہیا کمار کا امام گنج میں خطاب

انہوں نے کہاکہ سی اے اے واین آرسی اور این پی آر ملک اور اس کے آئین کے خلاف ہے، کنہیا نے سی اے اے واین آرسی پر تفصیلی گفتگو کی اور وزیراعظم کوسبزباغ دیکھا کر اکثریتی طبقے کو گمراہ کرنے کاالزام لگایا۔

واضح ہوکہ کنہیا کمار یک روزہ دورہ پر گیا میں ہیں، گیا میں تین مقامات پر انکا پروگرام ہے، کنہیاکمار کے قافلے پر بھی امام گنج جانے کے دوران حملہ ہوا ہے ۔