پٹنہ: فائرنگ میں پراپرٹی ڈیلر ہلاک

ریاست بہار کے دارالحکومت پٹنہ کے بیور جیل سے قریب فائرنگ سے علاقے میں افرا تفری پیدا ہوگئی ہے۔

اس فائرنگ میں جہاں پراپرٹی ڈیلر ہلاک ہوئے وہیں تین دیگر افراد زخمی ہو چکے ہیں۔

موٹرسائیکل سوار پراپرٹی ڈیلر کے دفتر میں گھس کر انہیں گولی مارکر ہلاک کر دیا۔

مقامی افراد کے مطابق فائرنگ کا یہ واقعہ بیور جیل سے چند قدم کے فاصلے پر پیش آیا ہے۔

زخمیوں کو جلدی سے پرائویٹ ہسپتال میں داخل کرایا گیا ہے۔

اس واقعے کے بعد مقامی لوگوں میں سخت غم و غصہ پایا جارہا ہے۔

موقع پر موجود عینی شاہدین نے بتایا کہ تقریبا نصف درجن مجرم پستول اور کاربائن لے کر دکان میں داخل ہوئے۔

اس دوران دکان پر بیٹھے لوگ اسے دیکھ کر بھاگنے لگے۔

اس وقت ان شرپسندوں نے فائرنگ کردی۔

اطلاع ملتے ہی پولیس موقع واردات پر پہنچ گئی۔

پولیس سی سی ٹی وی کی مدد سے تحقیقات میں مصروف ہوگئی ہے۔

اس معاملے کے بارے میں پھلواری شریف کے ڈی ایس پی سنجے پانڈے نے کہا کہ اس کیس کی تحقیقات کا آغاز کردیا گیا ہے۔ مجرمان کو جلد ہی گرفتار کرلیا جائے گا۔